Жозе Моуриньо Мадрид клубига тайинланганидан сўнг жамоанинг ҳимоя ва ярим ҳимоя чизиғини кучайтирмоқчи.
AS нашри берган маълумотларга кўра, португалиялик мутахассис жамоанинг сўнгги ўйинлари ва ҳозирги таркибини таҳлил қилиб, «Реал» раҳбарияти учун батафсил ҳисобот тайёрлаган. Ўз лойиҳасини амалга ошириш учун Моуриньo жамоага битта ёки иккита марказий ҳимоячи олиб келишни ва мудофаанинг ўнг қанотини кучайтиришни истамоқда. Шунингдек, мураббий креатив ярим ҳимоячи ҳамда Орельен Тчуаменига рақобат туғдира оладиган таянч ярим ҳимоячиси билан шартнома имзолашни муҳим деб ҳисоблайди.
Қайд этилишича, Моуриньo ҳозирча аниқ исмларни айтмаган, фақатгина кучайтирилиши керак бўлган позицияларни кўрсатиб ўтган. Клуб раҳбарияти таркибда ўзгаришлар кераклигини тан олмоқда, бироқ янги харидларни амалга ошириш учун бир нечта ўйинчилар билан хайрлашиш талаб этилади.
Шунингдек, хабарда айтилишича, Моуриньo фақатгина Флорентино Перес қайта сайланган тақдирдагина «Реал»га қайтади. Агар амалдаги президент сайловда ютқазса, португалиялик мутахассис «Бенфика»да қолмайди ва ўзига таклиф билан чиққан бошқа клублардан бирини бошқаради.
