Yakshanba oqshomida Massimiliano Allegri "Yuventus" tomonidan bekor qilingan goldan keyin g‘azablangani uchun qizil kartochka oldi. Ayni paytda, "Benfika" bilan Chempionlar ligasi o‘yini oldidan o‘tkazilgan matbuot anjumanida Allegri o‘zining jazosi haqida fikr bildirdi.
“Men hech qachon hakamlar haqida gapirmaganman, chunki bu mening ishim emas. Keyingi liga o‘yinida murabbiylar o‘rindig‘ida bo‘lish-bo‘lmasligimni bilmayman. Balki murabbiylarga diskvalifikasiya o‘rniga jarima yoki xayriya ulushi berilishi kerak. Menimcha, bu haqda o‘ylash kerak", dedi Allegri.
