"Manchester Siti" bosh murabbiyi Xosep Gvardiola Chempionlar ligasi doirasida Dortmundning "Borussiya"siga qarshi o‘yin arafasida himoyachi Aymerik Lyaportning holati haqida gapirdi. Eslatib o‘tamiz, Ispaniya terma jamoasi futbolchisi yaqinda jarohatidan forig‘ bo‘lib, umumiy guruhdagi mashg‘ulotlarni davom ettirdi.
“Lyaport boshlashga tayyormi? Bunday deb o‘ylamayman. Ertaga u zaxira o‘rindig‘ida bo‘ladi. Men shifokor bilan gaplashdim. U ritmga kirishishi kerak", - dedi Gvardiola matbuot anjumanida.
Lyaport tizzasidan olgan jarohati tufayli mavsum boshini o‘tkazib yuborishga majbur bo‘ldi.
