"Yuventus" bosh murabbiyi Portugaliyaning "Benfika" jamoasiga qarshi Chempionlar ligasi o‘yini oldidan o‘z fikrlari bilan o‘rtoqlashdi.
A Seriyaning so‘nggi turidan o‘rin olgan "Yuventus" - "Salernitana" uchrashuvi (2:2) janjal bilan yakunlandi, ammo "byankonerilar" boshqaruvchisi bor e’tiborini keyingi bahsga qaratishini aytdi.
“Biz birdamlik va raqibga hurmat ko‘rsatishimiz kerak. "Salernitana" mavzusini yopish vaqti keldi - bunga qaytishning ma’nosi yo‘q, endi bizning fikrlarimiz Chempionlar Ligasi bilan band.
Chempionatda juda ko‘p ochko yo‘qotdik, garchi o‘ylaymanki, biz ko‘proq narsaga loyiq edik. Bizda tiklanish uchun hali vaqt bor. Endi biz muxlislarning qo‘llab-quvvatlashiga juda muhtojmiz”, - deydi Allegri.