Turinning “Yuventus” klubi rahbariyati Chempionlar ligasidagi omadsiz startdan keyin jamoa bosh murabbiyi Massimiliano Allegrini iste’foga chiqarishni rejalashtirmayapti.
Guruh bosqichining 2-turidan o‘rin olgan uy uchrashuvida “keksa sinyora” o‘z maydonida Lissabonning “Benfika” jamoasini qabul qilib, 1:2 hisobida mag‘lub bo‘ldi.
Sky Sport Italia nashrining ma’lum qilishicha, klub rahbariyatining jamoa qayd etayotgan natijalaridan hafsalasi pir bo‘lgan, biroq ayni paytda ular hozirgi murabbiylar shtabiga ishonishadi. "Yuventus" rahbarlari vaziyatni to‘g‘irlash uchun Allegriga vaqt berishadi.
Eslatib o‘tamiz, turinliklar birinchi turda safarda "PSJ"ga (1:2) mag‘lub bo‘lgandi. Chempionlar ligasining navbatdagi uchrashuvida “Yuventus” “Makkabi” (Xayfa) bilan uchrashadi.
