Fransiya terma jamoasining Millatlar Ligasi doirasidagi o‘yinlar uchun kengaytirilgan tarkibi ma’lum bo‘ldi.

Fransiya 22 sentyabr kuni Avstriyaga qarshi bahs olib borsa, 25 sentyabrda Daniya bilan o‘ynaydi. Bu JCH—2022 oldidan jamoaning so‘nggi rasmiy o‘yinlari bo‘ladi.

Didye Desham quyidagi 23 nafar futbolchini sentyabr oyidagi o‘yinlarga jalb qildi:

Darvozabonlar: Alfons Areolya («Vest Hem»), Ugo Lyoris («Tottenhem»), Mayk Menyan («Milan»);

Himoyachilar: Benua Badiashile («Monako»), Jonatan Kloss («Marsel»), Teo Ernandes («Milan»), Jyul Kunde («Barselona»), Ferlan Mendi («Real»), Benjamen Pavar, Dayo Upamekano (ikkisi – «Bavariya»), Vilyam Saliba («Arsenal»), Rafael Varan («Manchester Yunayted»);

Yarim himoyachilar: Eduardo Kamavinga, Orelyen Tchuameni (ikkisi – «Real»), Yussuf Fofana («Monako»), Matteo Genduzi («Marsel»), Adriyen Rabyo («Yuventus»);

Hujumchilar: Usman Dembele («Barselona»), Olivye Jiru («Milan»), Antuan Grizmann («Atletiko»), Randal Kolo-Muani («Ayntraxt»), Kilian Mbappe («PSJ»), Kristofer Nkunku («Leypsig»).

Hujumchi Karim Benzema, himoyachi Lyuka Ernandes jarohat sabab yig‘inni o‘tkazib yuboradi.