Angliya terma jamoasi sobiq hujumchisi Maykl Ouen «Manchester Yunayted» Dominik Kalvert-Lyuinni o‘z safiga qo‘shib olishi kerak edi, deb hisoblaydi.

Ouen bu fikrni «Manchester Siti»ga qarshi golsiz o‘yindan keyin bildirdi.

«U doim jarohatlar bilan muammoga duch kelgan. Ammo sog‘lom bo‘lsa, unga qarshi o‘ynash juda qiyin. So‘nggi yillarda markaziy hujumchilar tanqisligini hisobga olsam, katta klublardan biri uni zaxira varianti sifatida olishi mumkin, deb o‘ylagandim. Balki hatto «Manchester Yunayted» ham», — dedi Ouen Premier League Productions efirida.

Kalvert-Lyuin 2025 yilda «Everton»ni erkin agent sifatida tark etgan va shundan so‘ng «Lids»ga qo‘shilgan.

U o‘tgan mavsum 39 ta o‘yinda 15 ta gol urgan. Joriy mavsumda esa 6 ta uchrashuvda 3 marta raqib darvozasini ishg‘ol qildi.

Ouen forvardning hozirgi holatini ham yuqori baholadi:

«U hozir mutlaqo boshqa darajada. Doimiy o‘ynayapti va juda xavfli ko‘rinmoqda».