"Manchester Yunayted" bosh murabbiyi Erik ten Xag Yevropa ligasi doirasidagi "Sherif"ga qarshi o‘yindagi g‘alabadan so‘ng (2:0) APL o‘yinlardagi tanaffus uning jamoasiga yordam berishini ta’kidladi.
“Bu juda foydali tanaffus bo‘ladi. Bizda juda ko‘p o‘yinlar bor, biz klub va uning atrofidagi vaziyatni yaxshilashimiz kerak. O‘yinimizni yaxshilash uchun yanvar yoki keyingi yozda transfer oynasida ishlashni ham rejalashtiramiz. Endi biz tayyor bo‘lishimiz va to‘g‘ri mashq qilishimiz kerak. Umid qilamanki, terma jamoalar o‘yinlari uchun tanaffusdan keyin hamma o‘z formasini saqlab qoladi va sog‘-salomat qaytadi", - deya ten Xag so‘zlarini keltirgan klub matbuot xizmati.
