Kataloniyaning "Barselona" klubi bosh murabbiyi Xavi La Liga doirasida "Elche" jamoasiga qarshi bo‘lib o‘tadigan o‘yin oldidan o‘tkazilgan matbuot anjumanida ishtirok etdi.
"Elche"ga qarshi o‘yin haqida:
"Ertaga biz noqulay raqib bilan o‘ynaymiz. Ular o‘tgan mavsumda qanday bo‘lgan bo‘lsa, hozir ham o‘sha jamoa bo‘lib qolmoqda, ular jismonan kuchli jamoa. Agar Memfis tomonidan kiritilgan penalti bo‘lmaganida, biz o‘tgan mavsumda ularni yuta olmagan bo‘lardik.
Gavi haqida:
Men Gavining darajasidan mamnunman va men undan shuni kutgandim. U bizga kelajak uchun haqiqiy tuhfa, u buyuk shaxs va katta ishtiyoqga ega. U bizga ko‘p yordam beradi va u ko‘p pozisiyalarda o‘ynay oladigan futbolchi.
Fati haqida:
Fati jarohat oldimi? Yo‘q, Ansu yaxshi. Biz u bilan muay’yan reja asosida ishlaymiz. U ajoyib o‘yinchi va u bizning jamoamiz uchun juda muhim.
Fatining JCHga borishi haqida:
Ansu Fati JCH-22 uchun Ispaniya terma jamoasiga chaqiriladimi?
Bu qaror Luis Enrike tomonidan qabul qilinadi. U bilan munosabatlarim yaxshi, u bilan Fatining ahvoli haqida gaplashdim. Umuman olganda, Ansuni Jahon chempionatiga terma jamoaga chaqirish kerak" - dedi Xavi.
