"Everton" klubi yarim himoyachi Entoni Gordon bilan yangi shartnoma borasida muzokaralarga kirishdi, deb xabar beradi The Independent.
O‘tgan yozda "Everton" Gordonni jamoada saqlab qolishga muvaffaq bo‘ldi, garchi "Chelsi" 21 yoshli angliyalik uchun 60 million funt sterlinggacha pul to‘lashga tayyorligi haqida mish-mishlar tarqalgan bo‘lsa ham.
Gordonning amaldagi shartnomasi tugashiga yana uch yil bor, ammo "irislar" futbolchini uzoqroq muddat jamoada saqlab qolmoqchi.
Gordon joriy mavsumda Premyer-ligada 6 ta o‘yinda maydonga tushib, 2 ta gol urdi.
