Madridning “Real” klubi hujumchisi Vinisius Junior Ispaniya chempionatining navbatdagi turida asosiy raqib “Atletiko”ga qarshi kurashdan oldingi fikrlari bilan o‘rtoqlashdi.
“Jamoa bor e’tiborini iloji boricha derbiga qaratgan. Biz o‘yinga jiddiy tayyorgarlik ko‘rmoqdamiz. Bu katta jang bo‘ladi. Mavsum oldidagi mashaqqatli mehnatimiz mavsumning ilk o‘yinlaridanoq o‘z samarasini bera boshladi. Bu hamma uchun muhim, jamoamizda yosh ham, tajribali futbolchilar ham bor”, — deya braziliyalikning so‘zlarini keltiradi klub matbuot xizmati.
Derbi 18 sentyabr yakshanba kuni "Vanda Metropolitano"da bo‘lib o‘tadi.
