Мадриднинг “Реал” клуби ҳужумчиси Винисиус Жуниор Испания чемпионатининг навбатдаги турида асосий рақиб “Атлетико”га қарши курашдан олдинги фикрлари билан ўртоқлашди.
“Жамоа бор эътиборини иложи борича дербига қаратган. Биз ўйинга жиддий тайёргарлик кўрмоқдамиз. Бу катта жанг бўлади. Мавсум олдидаги машаққатли меҳнатимиз мавсумнинг илк ўйинлариданоқ ўз самарасини бера бошлади. Бу ҳамма учун муҳим, жамоамизда ёш ҳам, тажрибали футболчилар ҳам бор”, — дея бразилияликнинг сўзларини келтиради клуб матбуот хизмати.
Дерби 18 сентябрь якшанба куни "Ванда Метрополитано"да бўлиб ўтади.
