"Metallurg" bosh murabbiyi Luisma Ernandes Coca Cola Superligasining 19-turidan o‘rin olgan "So‘g‘diyona"ga (2:1) qarshi o‘yindan so‘ng fikrlari bilan o‘rtoqlashdi.

— Birinchi navbatda jamoamni, muxlislarimizni g‘alaba bilan tabriklayman. O‘tgan haftadagi mag‘lubiyatdan keyin qattiq mehnat qildik. To‘g‘ri, "Paxtakor"ga yaxshi o‘ynab yutqazib qo‘ydik. Futbolchilarimning o‘yinga bo‘lgan munosabatidan xursandman. O‘tgan o‘yindagi xatolarni aytadigan bo‘lsam, hamma xato qiladi. Buni to‘g‘rilash uchun zamonaviy texnologiyalar yordamga kelishi lozim. Bugun aynan VARning faoliyat olib borishi qanchalik zarur ekanligini barcha ko‘rdi. Albatta raqibga ham bugungi o‘yin uchun minnatdorchilik bildiraman. Ular OFK kubogi musobaqasida, chempionat va mamlakat kubogi o‘yinlarida ko‘p kuch yo‘qotishdi. To‘g‘ri tushunamiz. G‘alabani jamoamiz bilan ko‘tarinki ruhda nishonlaymiz.

— Yoshlarga qo‘rqmasdan ishonch bildirayotganingiz "Metallurg"ning uslubi o‘zgarayotganidan darakmi?
—  Sezgan bo‘lsangiz, davralar oralig‘idagi transfer siyosatimiz shu yo‘nalishga qaratildi. Kelajakda oldimizga qo‘ygan maqsadimiz raqobatbardosh, yosh jamoani shakllantirish. Shuningdek, yoshi katta futbolchilarga ham eshigimiz ochiq. Lobanov, Bekmurodov, Ortiqov kabi tajribali futbolchilar xizmatidan foydalanayotganimiz fikrimizni asoslaydi. Hozir jamoamizda yosh uyg‘unligi bo‘yicha yaxshi muvozanat yuzaga kelgan.