"Металлург" бош мураббийи Луисма Эрнандес Coca Cola Суперлигасининг 19-туридан ўрин олган "Сўғдиёна"га (2:1) қарши ўйиндан сўнг фикрлари билан ўртоқлашди.

— Биринчи навбатда жамоамни, мухлисларимизни ғалаба билан табриклайман. Ўтган ҳафтадаги мағлубиятдан кейин қаттиқ меҳнат қилдик. Тўғри, "Пахтакор"га яхши ўйнаб ютқазиб қўйдик. Футболчиларимнинг ўйинга бўлган муносабатидан хурсандман. Ўтган ўйиндаги хатоларни айтадиган бўлсам, ҳамма хато қилади. Буни тўғрилаш учун замонавий технологиялар ёрдамга келиши лозим. Бугун айнан ВАРнинг фаолият олиб бориши қанчалик зарур эканлигини барча кўрди. Албатта рақибга ҳам бугунги ўйин учун миннатдорчилик билдираман. Улар ОФК кубоги мусобақасида, чемпионат ва мамлакат кубоги ўйинларида кўп куч йўқотишди. Тўғри тушунамиз. Ғалабани жамоамиз билан кўтаринки руҳда нишонлаймиз.

— Ёшларга қўрқмасдан ишонч билдираётганингиз "Металлург"нинг услуби ўзгараётганидан даракми?
—  Сезган бўлсангиз, давралар оралиғидаги трансфер сиёсатимиз шу йўналишга қаратилди. Келажакда олдимизга қўйган мақсадимиз рақобатбардош, ёш жамоани шакллантириш. Шунингдек, ёши катта футболчиларга ҳам эшигимиз очиқ. Лобанов, Бекмуродов, Ортиқов каби тажрибали футболчилар хизматидан фойдаланаётганимиз фикримизни асослайди. Ҳозир жамоамизда ёш уйғунлиги бўйича яхши мувозанат юзага келган.