“Milan” hujumchisi Olivye Jiru Italiya A Seriyasining 7-turi doirasida “Napoli”ga qarshi o‘yinda jamoasining mag‘lubiyati haqida fikr bildirdi.

Eslatib o‘tamiz, “rossonerilar” o‘z maydonida Luchano Spaletti jamoasiga 1:2 hisobida imkoniyatni boy bergandi. Ikkinchi bo‘lim o‘rtalarida Ernandesning uzatmasidan so‘ng Jiru hisobni tenglashtirdi.

"Biz xohlagan natija emas, lekin men jamoa bilan faxrlanaman. Muxlislar bizni ajoyib qo‘llab-quvvatlashdi. Ikki hafta ichida yana kuchliroq bo‘lamiz” - deb post qoldirdi Jiru ijtimoiy tarmoqda.

Joriy mavsumda Jiru A Seriyaning 7 turida 4 ta gol urdi va bitta golli uzatmani amalga oshirdi. Fransiyalik futbolchi Stefano Pioli jamoasida o‘tgan yozda Londonning “Chelsi” klubidan ko‘chib o‘tgandi.