“Милан” ҳужумчиси Оливье Жиру Италия А Сериясининг 7-тури доирасида “Наполи”га қарши ўйинда жамоасининг мағлубияти ҳақида фикр билдирди.
Эслатиб ўтамиз, “россонерилар” ўз майдонида Лучано Спалетти жамоасига 1:2 ҳисобида имкониятни бой берганди. Иккинчи бўлим ўрталарида Эрнандеснинг узатмасидан сўнг Жиру ҳисобни тенглаштирди.
"Биз хоҳлаган натижа эмас, лекин мен жамоа билан фахрланаман. Мухлислар бизни ажойиб қўллаб-қувватлашди. Икки ҳафта ичида яна кучлироқ бўламиз” - деб пост қолдирди Жиру ижтимоий тармоқда.
Жорий мавсумда Жиру А Сериянинг 7 турида 4 та гол урди ва битта голли узатмани амалга оширди. Франциялик футболчи Стефано Пиоли жамоасида ўтган ёзда Лондоннинг “Челси” клубидан кўчиб ўтганди.
