Yarim himoyachi Marko Verratti jarohati tufayli Italiya terma jamoasiga Millatlar ligasining sentyabr oyidagi o‘yinlarida yordam bermaydi. "Adzurra" bosh murabbiyi Roberto Manchini jamoada "PSJ" yarim himoyachisi o‘rnini kim egallashini ma’lum qildi.
“Marko Verratti bizga yordam bermaydi. Ehtimol, Davide Fratteziga qo‘ng‘iroq qilaman va u bo‘sh o‘rinni egallaydi” - dedi Manchini matbuot anjumanida.
Italiya terma jamoasi o‘z uyida Angliya bilan 23 sentyabrda, Vengriyaga bilan esa 26 sentyabr kuni safarda o‘ynaydi. To‘rt turdan so‘ng Roberto Manchini jamoasi besh ochko bilan Millatlar ligasi guruhida uchinchi o‘rinni egallab turibdi.
