Hujumchi Kilian Mbappe jamoa fotosessiyasiga borishni istamaganidan so‘ng Fransiya futbol federasiyasi maxsus bayonot bilan chiqdi.
Mbappe federasiya futbolchining imidjiga oid konvensiyani o‘zgartirishni istamaganidan so‘ng Fransiya terma jamoasi uchun rejalashtirilgan fotosessiyadan voz kechishga qaror qildi.
"Fransiya terma jamoasi rahbarlari, prezident, bosh murabbiy va marketing menejeri ishtirokidagi uzoq muhokamalardan so‘ng, Fransiya futbol federasiyasi imidj huquqlari bo‘yicha kelishuvni imkon qadar tezroq ko‘rib chiqishga intiladi", - deyiladi tashkilot saytida.
22 sentyabr kuni “uch ranglilar” Millatlar ligasi doirasida Avstriya bilan o‘z uyida, 25 sentyabr kuni esa Daniya bilan mehmonda maydonga tushishadi.
