"Manchester Yunayted" bosh murabbiyi Erik ten Xag Donni van de Bekni jamoada saqlab qolmoqchi. Jurnalist Fabrisio Romanoning yozishicha, niderlandiyalik murabbiy “MYU”ga bosh murabbiy etib tayinlanishidan oldin ham futbolchiga jamoada qolishini so‘rab xat yozgan.
Shu kungacha van de Bek barcha musobaqalarda 19 daqiqa o‘ynadi. Murabbiy futbolchiga mashg‘ulot kerakligini tushunadi, lekin shu bilan birga shogirdlaridan sabr-toqat so‘raydi.
Eslatib o‘tamiz, "Ayaks"da ten Xag boshchiligida van de Bek 2018/19 yilgi mavsumda Chempionlar ligasida uchta gol va ikkita golli uzatmaga mualliflik qilgan hamda bu jamoaning yarim finalga chiqishiga yordam bergandi.
