"Real Madrid" yarim himoyachisi Eduardo Kamavinganing agenti Jonatan Barnett futbolchining klubdagi pozisiyasi haqida fikr bildirdi.
Barnett Goal España nashriga bergan intervyusida Kamavinga Madrid klubida juda baxtli ekanligini va u uchun bu yerga ko‘chib o‘tgandan keyin ijobiy narsalar sodir bo‘layotganini aytdi.
"Real Madrid" - Kamavinga uchun eng zo‘r klub, agar siz dunyoning eng yaxshi o‘yinchilaridan biri bo‘lishni istasangiz, "Real Madrid"ga o‘tish eng zo‘r yechim", deya qo‘shimcha qildi agent.
19 yoshli fransuz joriy mavsumda barcha turnirlarda 9ta o‘yinda maydonga tushdi va gol urmadi. Yarim himoyachining klub bilan shartnomasi 2027 yilgacha mo‘ljallangan.
