"Chelsi" yarim himoyachisi Kristian Pulishich Angliya klubining sobiq bosh murabbiyi Tomas Tuxel "Real" bilan 2021/2022 yilgi mavsumda Chempionlar ligasi yarim final javob uchrashuvi oldidan uni aldab, futbolchini asosiy tarkibda maydonga tushirishga va’da berganini aytdi.
“Ushbu o‘yindan oldin sodir bo‘lgan voqeadan juda xafa bo‘ldim. "Real"ga qarshi Chempionlar ligasi yarim finalining birinchi o‘yinida yaxshi o‘yin ko‘rsatdim va keyingi turda ligada "Fulxem" bilan o‘ynadik. Tuxel "qaymoqranglilar"ga qarshi javob o‘yini oldidan menga dam berayotganini aytdi va natijada Premyer-ligada bir daqiqa ham maydonga tushmadim.
"Real Madrid" bilan o‘yin kuni esa fikridan qaytganini va Xaversni asosiy tarkibda tushirishini aytdi. Rostini aytsam, men hayratda qoldim va juda xafa bo‘ldim. Men o‘zimni boshlang‘ich tarkibga loyiq deb o‘yladim va eng muhimi, u meni dastlabki daqiqalardan maydonga tushishimga oldindan ishontirdi. Shunday qilib, u meni 25 daqiqa qolganda maydonga tushirganida, men shunchaki aqldan ozgan edim", - dedi Pulishich.
