"Челси" ярим ҳимоячиси Кристиан Пулишич Англия клубининг собиқ бош мураббийи Томас Тухель "Реал" билан 2021/2022 йилги мавсумда Чемпионлар лигаси ярим финал жавоб учрашуви олдидан уни алдаб, футболчини асосий таркибда майдонга туширишга ваъда берганини айтди.
“Ушбу ўйиндан олдин содир бўлган воқеадан жуда хафа бўлдим. "Реал"га қарши Чемпионлар лигаси ярим финалининг биринчи ўйинида яхши ўйин кўрсатдим ва кейинги турда лигада "Фулхэм" билан ўйнадик. Тухель "қаймоқранглилар"га қарши жавоб ўйини олдидан менга дам бераётганини айтди ва натижада Премьер-лигада бир дақиқа ҳам майдонга тушмадим.
"Реал Мадрид" билан ўйин куни эса фикридан қайтганини ва Хаверцни асосий таркибда туширишини айтди. Ростини айтсам, мен ҳайратда қолдим ва жуда хафа бўлдим. Мен ўзимни бошланғич таркибга лойиқ деб ўйладим ва энг муҳими, у мени дастлабки дақиқалардан майдонга тушишимга олдиндан ишонтирди. Шундай қилиб, у мени 25 дақиқа қолганда майдонга туширганида, мен шунчаки ақлдан озган эдим", - деди Пулишич.
