"Barselona" yarim himoyachi Serxio Busketsga o‘rinbosar topdi. Mundo Deportivo xabariga ko‘ra, kataloniyaliklar "Real Sosyedad" yarim himoyachisi Martin Subimendini o‘z safiga qo‘shib olmoqchi.
Manbaga ko‘ra, 34 yoshli Busketsning "Barsa" bilan shartnomasi 2023 yilning yozida tugaydi va jamoani tark etishi mumkin.
23 yoshli Subimendining basklar klubi bilan shartnomasi 2025 yilning yoziga qadar mo‘ljallangan. Transfermarkt uni 30 million yevroga baholamoqda.
Joriy mavsumda u San-Sebastyan klubi safida 7ta o‘yin o‘tkazib, 1ta golli uzatmani amalga oshirdi.