"Барселона" ярим ҳимоячи Серхио Бускетсга ўринбосар топди. Mundo Deportivo хабарига кўра, каталонияликлар "Реал Сосьедад" ярим ҳимоячиси Мартин Субимендини ўз сафига қўшиб олмоқчи.
Манбага кўра, 34 ёшли Бускетснинг "Барса" билан шартномаси 2023 йилнинг ёзида тугайди ва жамоани тарк этиши мумкин.
23 ёшли Субимендининг басклар клуби билан шартномаси 2025 йилнинг ёзига қадар мўлжалланган. Transfermarkt уни 30 миллион еврога баҳоламоқда.
Жорий мавсумда у Сан-Себастьян клуби сафида 7та ўйин ўтказиб, 1та голли узатмани амалга оширди.