Niderlandiya terma jamoasi bosh murabbiyi Lui van Gal Millatlar ligasi doirasidagi Polsha ustidan qozonilgan g‘alaba (2:0) haqida fikr bildirdi.

"Bu biz uchun katta sinov bo‘ldi, chunki biz Levandovski va Milik kabi top-hujumchilarga qarshi o‘ynadik, ammo sinovdan juda yaxshi natija bilan o‘tdik. Kechagi ko‘rsatgan o‘yninimizdan mamnunman. Biz ustunlik qildik va men xohlagandek o‘ynadik. Men o‘z futbolchilarimga nafaqat bizning yarim maydonda, balki raqib maydonining yarmida ham ko‘proq bosim o‘tkazishni xohlayotganimni aytdim. Futbolchilarim buni uddalashdi. Shu bois Polsha bizga qarshi o‘ynashi juda qiyin bo‘ldi. Himoyadagi o‘yinimizdan juda mamnunman. Levandovski va Milikka qarshi o‘yinda gol o‘tkazib yubormaslik - ijobiy narsa", - van Galdan iqtibos keltiradi UYEFA matbuot xizmati.