Нидерландия терма жамоаси бош мураббийи Луи ван Гал Миллатлар лигаси доирасидаги Польша устидан қозонилган ғалаба (2:0) ҳақида фикр билдирди.
"Бу биз учун катта синов бўлди, чунки биз Левандовски ва Милик каби топ-ҳужумчиларга қарши ўйнадик, аммо синовдан жуда яхши натижа билан ўтдик. Кечаги кўрсатган ўйнинимиздан мамнунман. Биз устунлик қилдик ва мен хоҳлагандек ўйнадик. Мен ўз футболчиларимга нафақат бизнинг ярим майдонда, балки рақиб майдонининг ярмида ҳам кўпроқ босим ўтказишни хоҳлаётганимни айтдим. Футболчиларим буни уддалашди. Шу боис Польша бизга қарши ўйнаши жуда қийин бўлди. Ҳимоядаги ўйинимиздан жуда мамнунман. Левандовски ва Миликка қарши ўйинда гол ўтказиб юбормаслик - ижобий нарса", - ван Галдан иқтибос келтиради УЕФА матбуот хизмати.
