Millatlar Ligasining 5-turidan o‘rin olgan qator uchrashuvlar 24 sentyabr tunida bo‘lib o‘tdi.

Portugaliya Chexiya bilan bahs olib bordi va 4:0 hisobida g‘alaba qozondi. Portugaliya safida Diogu Jota va Brunu Fernandesh bittadan gol urgan bo‘lsa, Diogu Dalot dublni rasmiylashtirdi.

Ispaniya esa, kutilmaganda, Shveysariyaga mag‘lub bo‘ldi. Uchrashuvning 21-daqiqasida Manuel Akanji hisobni ochdi. 55-daqiqada Jordi Alba muvozanatni tikladi. Biroq 3 daqiqadan so‘ng Erik Garsiya o‘z darvozasiga gol urib qo‘ydi. Natijada A ligasining 2-guruhida Portugaliya 10 ochko bilan peshqadamga aylandi. Ushbu jamoa so‘nggi turda 27 sentyabr kuni 8 ochko to‘plab turgan Ispaniyani o‘z uyida qabul qiladi. Mazkur bahs final bosqichiga chiqadigan jamoa nomini aniqlab beradi.

Serbiya Shvesiya ustidan 4:1 hisobida g‘alaba qozondi. Shotlandiya esa Irlandiyani 2:1 hisobida mag‘lub etdi.

Millatlar ligasi, 5-tur bahslari
24 sentyabr, shanba

Chexiya – Portugaliya 0:4
Gollar: 0:1 – 33 Diogu Dalot, 0:2 – 45 Brunu Fernandesh, 0:3 – 52 Diogu Dalot, 0:4 – 82 Diogu Jota.
Chexiya: Vaslik, Soufal, Brabes (Kudela, 22), Yemelka, Zima, Zeleni (Vlkanova, 64), Souchek (Kuxta, 77), Kral, Barak (Shevchik, 63), Shik, Glojek (Cherni, 64).
Portugaliya: Diogu Koshta, Diogu Dalot, Danilu Pereyra (Joau Mariu, 84), Ruben Diash, Mariu Ruy, Vilyam Karvalyu (Palinya, 77), Brunu Fernandesh (Mateush Nunesh, 77), Bernardu Silva (Rikardu Orta, 67), Ruben Nevesh, Ronaldu, Rafael Leau (Diogu Jota, 67).

Ispaniya – Shveysariya 1:2
Gollar: 0:1 – 21 Akanji, 1:1 – 55 Alba, 1:2 – 58  Erik Garsiya (avtogol).
Ispaniya: Unai Simon, Aspilikueta (Soler, 87), Pau Torres, Erik Garsiya, Alba, Buskets, Pedri (Lyorente, 70), Gavi, Sarabiya (Uilyams, 63), Asensio (Iglesias, 63), Ferran Torres (Pino, 63).
Shveysariya: Zommer, Vidmer, Elvedi, Akanji, Rodriges (Shteffen, 46), Shakiri (NdoYE, 68), Jaka, Froyler, Sou (Zakariya, 68), Vargas (Ebisher, 79), Embolo (Seferovich, 87).
Ogohlantirishlar: Akanji (44), Omlin (82).

Shotlandiya – Irlandiya 2:1
Gollar: 0:1 – 18 Igan, 1:1 – 49 Hendri, 2:1 – 82 Kristi (penalti).

Isroil – Albaniya 2:1
Gollar: 1:0 – 46 Veysman, 1:1 – 88 Uzuni, 2:1 – 90 Baribo.

Sloveniya – Norvegiya 2:1
Gollar: 0:1 – 47 Holand, 1:1 – 69 Shporar, 2:1 – 81 Sheshko.

Serbiya – Shvesiya 4:1
Gollar: 0:1 – 15 Klasson, 1:1 – 18 Mitrovich, 2:1 – 45 Mitrovich, 3:1 – 48 Mitrovich, 4:1 – 70 Lukich.

Shimoliy Irlandiya – Kosovo 2:1
Gollar: 0:1 – 58 Muriki, 1:1 – 82 Uayt, 2:1 – 90 Majennis.

Kipr – Gresiya 1:0
Gol: 1:0 – 18 Sionis.