"Milan" hujumchisi Rafael Leau klubdagi moslashuvi haqida gapirdi. 23 yoshli portugaliyalikning fikricha, unga hujumchi Zlatan Ibrahimovich va bosh murabbiy Stefano Pioli yordam berishgan.
"Milan"dagi dastlabki ikki mavsum og‘ir kechdi, Fransiyada esa hayot butunlay boshqacha edi", - deya Leauning so‘zlaridan iqtibos keltiradi Correira Della Sport. “Bunday klubga borganingizda, g‘alaba qozonish mentalitetiga ega bo‘lishingiz kerakligini bilasiz, ko‘plab afsonalar bu formani kiyib, ko‘plab kuboklarni qo‘lga kiritgan. “Milan”da men o‘zgardim, boshqa odam va boshqa futbolchiga aylandim. Mening oilam, Stefano Pioli va Zlatan Ibrahimovich menga hal qiluvchi ta’sir ko‘rsatdi".
Hujumchining so‘zlariga ko‘ra, Ibrahimovich u uchun namuna.
“Ibrahimovich menga savol berish, doimo diqqatini jamlab turish, jumladan, maydondan tashqarida bo‘lish qanchalik muhimligini tushuntirib berdi. Biz har qanday imkoniyatda - hamkasblar sifatida emas, balki erkaklar sifatida muloqot qilamiz ", dedi u.
Joriy mavsumda Leau “Milan” safida 8 ta o‘yinda maydonga tushib, 3 ta gol urdi va 8 ta golli uzatmani amalga oshirdi. Hujumchining klub bilan shartnomasi 2024 yilning 30 iyuniga qadar mo‘ljallangan.
