"Милан" ҳужумчиси Рафаэль Леау клубдаги мослашуви ҳақида гапирди. 23 ёшли португалияликнинг фикрича, унга ҳужумчи Златан Ибраҳимович ва бош мураббий Стефано Пиоли ёрдам беришган.
"Милан"даги дастлабки икки мавсум оғир кечди, Францияда эса ҳаёт бутунлай бошқача эди", - дея Леаунинг сўзларидан иқтибос келтиради Correira Della Sport. “Бундай клубга борганингизда, ғалаба қозониш менталитетига эга бўлишингиз кераклигини биласиз, кўплаб афсоналар бу формани кийиб, кўплаб кубокларни қўлга киритган. “Милан”да мен ўзгардим, бошқа одам ва бошқа футболчига айландим. Менинг оилам, Стефано Пиоли ва Златан Ибраҳимович менга ҳал қилувчи таъсир кўрсатди".
Ҳужумчининг сўзларига кўра, Ибраҳимович у учун намуна.
“Ибраҳимович менга савол бериш, доимо диққатини жамлаб туриш, жумладан, майдондан ташқарида бўлиш қанчалик муҳимлигини тушунтириб берди. Биз ҳар қандай имкониятда - ҳамкасблар сифатида эмас, балки эркаклар сифатида мулоқот қиламиз ", деди у.
Жорий мавсумда Леау “Милан” сафида 8 та ўйинда майдонга тушиб, 3 та гол урди ва 8 та голли узатмани амалга оширди. Ҳужумчининг клуб билан шартномаси 2024 йилнинг 30 июнига қадар мўлжалланган.
