"Inter" safida Italiya chempionatidagi o‘yinlari bilan muxlislar xotirasida qolgan sobiq futbolchi Rodrigo Palasio sport turini o‘zgartirdi. WorldNationNews xabariga ko‘ra, 40 yoshli sportchi o‘zini basketbolda sinab ko‘rishga qaror qilgan.
Argentinalik futbolchi Italiya chempionatining quyi divizionlaridan birida o‘ynaydigan "Gargnano" klubi bilan shartnoma imzoladi. Rodrigo yaqinda debyut uchrashuvini o‘tkazdi va u olti ochkoni qo‘lga kiritdi.
Eslatib o‘tamiz, Palasioning oxirgi futbol klubi "Breshiya" bo‘lgan. Umuman olganda, hujumchi futbolda 618 ta o‘yin o‘tkazib, 206 ta gol va 110 ta golli uzatmani amalga oshirgan.
