"Интер" сафида Италия чемпионатидаги ўйинлари билан мухлислар хотирасида қолган собиқ футболчи Родриго Паласио спорт турини ўзгартирди. WorldNationNews хабарига кўра, 40 ёшли спортчи ўзини баскетболда синаб кўришга қарор қилган.
Аргентиналик футболчи Италия чемпионатининг қуйи дивизионларидан бирида ўйнайдиган "Гаргнано" клуби билан шартнома имзолади. Родриго яқинда дебют учрашувини ўтказди ва у олти очкони қўлга киритди.
Эслатиб ўтамиз, Паласионинг охирги футбол клуби "Брешия" бўлган. Умуман олганда, ҳужумчи футболда 618 та ўйин ўтказиб, 206 та гол ва 110 та голли узатмани амалга оширган.
