Madridning “Real” klubi hujumchisi Karim Benzema jarohatidan forig‘ bo‘lib, Ispaniya Primerasining navbatdagi turida maydonga tushishi mumkin, deb xabar bermoqda El Chiringuito telekanali.
34 yoshli fransiyalik futbolchi 6 sentyabr kuni Chempionlar ligasi guruh bosqichidan o‘rin olgan “Seltik”ga qarshi bahsda jarohat olib, 30-daqiqada almashtirilgandi. Uning o‘rniga yarim himoyachi Eden Azar maydonga tushdi. Uchrashuv 3:0 hisobida Karlo Anchelotti shogirdlari foydasiga hal bo‘ldi.
Navbatdagi o‘yinda Madrid klubi o‘z maydonida Ispaniya La Ligasida “Osasuna” bilan o‘ynaydi (2 oktyabr, Toshkent vaqti bilan soat 23:59da boshlanadi).
