Мадриднинг “Реал” клуби ҳужумчиси Карим Бензема жароҳатидан фориғ бўлиб, Испания Примерасининг навбатдаги турида майдонга тушиши мумкин, деб хабар бермоқда El Chiringuito телеканали.
34 ёшли франциялик футболчи 6 сентябрь куни Чемпионлар лигаси гуруҳ босқичидан ўрин олган “Селтик”га қарши баҳсда жароҳат олиб, 30-дақиқада алмаштирилганди. Унинг ўрнига ярим ҳимоячи Эден Азар майдонга тушди. Учрашув 3:0 ҳисобида Карло Анчелотти шогирдлари фойдасига ҳал бўлди.
Навбатдаги ўйинда Мадрид клуби ўз майдонида Испания Ла Лигасида “Осасуна” билан ўйнайди (2 октябрь, Тошкент вақти билан соат 23:59да бошланади).
