"Barselona" va Urugvay terma jamoasi markaziy himoyachisi Ronald Arauxo negativ prognozlarga qaramay, jahon chempionati boshlanishidan oldin tiklanishi mumkin.
23 yoshli futbolchi dastlab uch oylik reabilitasiyani talab qiladigan operasiyani boshdan kechirdi, ammo vaziyat ancha yaxshilanishi mumkin.
“Sport” nashri xabariga ko‘ra, operasiya nihoyatda muvaffaqiyatli o‘tgan va shifokorlar optimistik kayfiyatda.
Balki, Arauxo jahon chempionatigacha tiklanishga ulgurar. Ronald Arauxo joriy mavsumda “Barselona” safida barcha musobaqalarda 7 ta o‘yinda maydonga tushdi. Urugvay terma jamoasi safida himoyachi 12 ta o‘yin o‘tkazdi.
