"Барселона" ва Уругвай терма жамоаси марказий ҳимоячиси Рональд Араухо негатив прогнозларга қарамай, жаҳон чемпионати бошланишидан олдин тикланиши мумкин.
23 ёшли футболчи дастлаб уч ойлик реабилитацияни талаб қиладиган операцияни бошдан кечирди, аммо вазият анча яхшиланиши мумкин.
“Спорт” нашри хабарига кўра, операция ниҳоятда муваффақиятли ўтган ва шифокорлар оптимистик кайфиятда.
Балки, Араухо жаҳон чемпионатигача тикланишга улгурар. Рональд Араухо жорий мавсумда “Барселона” сафида барча мусобақаларда 7 та ўйинда майдонга тушди. Уругвай терма жамоаси сафида ҳимоячи 12 та ўйин ўтказди.
