Futbol agenti Jorje Mendesh o‘z mijozi Krishtianu Ronalduni yozgi transfer oynasi vaqtida Italiya chempionatiga olib o‘tishga uringan. Bu haqda The Sun nashri ma’lum qildi.

Manbaga ko‘ra, Mendesh "Milan" rahbariyati bilan muzokaralar olib borgan. U hatto “rossonerlar” tarkibida mijoziga joy bo‘shatish uchun Rafael Leauni sotishga ham urindi. Ammo Leau "Milan"da qoldi va kelishuv amalga oshmadi.

Krishtianu yangi mavsumni o‘ta omadsiz boshladi, shu sababli u "Manchester Yunayted"da zaxira o‘rindig‘ida o‘tirdi. 37 yoshli hujumchi o‘nta jangda qatnashib, faqat bitta gol urgan.