Italiya chempionatining 8-turi doirasida "Inter" o‘z maydonida "Roma"ni qabul qilib, imkoniyatni boy berdi.

Bahsning 30-daqiqasida mezbonlar Dimarkoning goli evaziga hisobni ochishga muvaffaq bo‘lishdi. Oradan 9 daqiqa o‘tib esa Paulo Dibala chiroyli zarba bilan hisobni tenglashtirdi.

Uchrashuv tugashiga 15 daqiqa qolganida rimliklar maydon markaziga yaqin joydan jarima zarbasini o‘yin kiritishdi. Smolling esa bosh bilan to‘pni darvozaga joylab qo‘ydi.

"Roma" ushbu g‘alaba tufayli o‘z ochkolarini 16 taga yetkazib, 4-o‘ringa ko‘tarilib oldi. "Inter" esa 12 ochko bilan 7-o‘rinda qoldi. Shomurodov bugun zaxirada qoldirildi.

Italiya A seriyasi, 8-tur
Inter – Roma 1:2 (1:1, 0:1)
Gollar: 1:0 – 30 Dimarko, 1:1 – 39 Dibala, 1:2 – 75 Smolling.
Inter – Xandanovich, Dumfris (Bellanova, 81), Acherbi, Shkrinyar, Bastoni (Gozens, 81), Dimarko (Karboni, 88), Chalxanoglu (Korrea, 77), Barella, Aslani (Mxitaryan, 77), Djeko, Martines.
Roma – Ruy Patrisiu, Chelik, Smolling, Manchini, Rojer, Spinassola, Matich, Kristante, Dzanyolo (Belotti, 86), Pellegrini (Kamara, 81), Dibala (Abraxam, 58).
Ogohlantirishlar: Dzanyolo (54), Manchini (61), Smolling (65), Aslani (72), Korrea (87), Gozens (90), Barella (90).