Италия чемпионатининг 8-тури доирасида "Интер" ўз майдонида "Рома"ни қабул қилиб, имкониятни бой берди.

Баҳснинг 30-дақиқасида мезбонлар Димарконинг голи эвазига ҳисобни очишга муваффақ бўлишди. Орадан 9 дақиқа ўтиб эса Пауло Дибала чиройли зарба билан ҳисобни тенглаштирди.

Учрашув тугашига 15 дақиқа қолганида римликлар майдон марказига яқин жойдан жарима зарбасини ўйин киритишди. Смоллинг эса бош билан тўпни дарвозага жойлаб қўйди.

"Рома" ушбу ғалаба туфайли ўз очколарини 16 тага етказиб, 4-ўринга кўтарилиб олди. "Интер" эса 12 очко билан 7-ўринда қолди. Шомуродов бугун захирада қолдирилди.

Италия А серияси, 8-тур
Интер – Рома 1:2 (1:1, 0:1)
Голлар: 1:0 – 30 Димарко, 1:1 – 39 Дибала, 1:2 – 75 Смоллинг.
Интер – Ханданович, Думфрис (Белланова, 81), Ачерби, Шкриньяр, Бастони (Гозенс, 81), Димарко (Карбони, 88), Чалханоглу (Корреа, 77), Барелла, Аслани (Мхитарян, 77), Джеко, Мартинес.
Рома – Руй Патрисиу, Челик, Смоллинг, Манчини, Рожер, Спинаццола, Матич, Кристанте, Дзаньоло (Белотти, 86), Пеллегрини (Камара, 81), Дибала (Абрахам, 58).
Огоҳлантиришлар: Дзаньоло (54), Манчини (61), Смоллинг (65), Аслани (72), Корреа (87), Гозенс (90), Барелла (90).