"Barselona" bosh murabbiyi Xavi Ispaniya chempionatining 7-turi doirasida "Malyorka" ustidan qozonilgan g‘alaba (1:0) haqida fikr bildirdi.
"Uchrashuv biz uchun juda qiyin bo‘ldi. Xalqaro tanaffusdan so‘ng muhim uch ochkoni qo‘lga kiritdik. Bunday o‘yinlarda agar ikkinchi golni urmasangiz, har daqiqada qiyinlashib boraveradi. Biz sabr va xotirjamlik ko‘rsatdik. "Malyorka" kabi jamoalarga qarshi hujum qilish har doim qiyin, bo‘sh joy juda kam, ehtiyot bo‘lish kerak. Birinchi bo‘limda biz yaxshi o‘ynadik, ikkinchisida esa bo‘shashdik - bunga yo‘l qo‘ymaslik kerak. Ikkinchi golni urib, ko‘proq shijoatli bo‘lish kerak edi", - dedi Xavi o‘yindan keyin o‘tkazilgan matbuot anjumanida.
