"Барселона" бош мураббийи Хави Испания чемпионатининг 7-тури доирасида "Мальорка" устидан қозонилган ғалаба (1:0) ҳақида фикр билдирди.
"Учрашув биз учун жуда қийин бўлди. Халқаро танаффусдан сўнг муҳим уч очкони қўлга киритдик. Бундай ўйинларда агар иккинчи голни урмасангиз, ҳар дақиқада қийинлашиб бораверади. Биз сабр ва хотиржамлик кўрсатдик. "Мальорка" каби жамоаларга қарши ҳужум қилиш ҳар доим қийин, бўш жой жуда кам, эҳтиёт бўлиш керак. Биринчи бўлимда биз яхши ўйнадик, иккинчисида эса бўшашдик - бунга йўл қўймаслик керак. Иккинчи голни уриб, кўпроқ шижоатли бўлиш керак эди", - деди Хави ўйиндан кейин ўтказилган матбуот анжуманида.
