"Liverpul" "Inter" yarim himoyachisi Marselo Brozovichga e’tibor qaratmoqda, deya xabar beradi Liverpool Echo.
O‘tgan mavsum oxirida Brozovichning "Inter" bilan shartnomasi tugashiga bir necha hafta qolgandi, ammo xorvat yangi shartnoma imzoladi va klubda qoldi. O‘sha vaqtda unga bir qancha jamoalar qiziqish bildirishgan.
Hozirda Brozovich jarohatda bo‘lib, Qatarda bo‘lib o‘tadigan jahon chempionati boshlangunga qadar maydonga tusha olmaydi.
29 yoshli xorvatning “Inter” bilan shartnomasi 2026 yilgacha mo‘ljallangan. Transfermarkt portali futbolchining narxini 40 million yevroga baholamoqda.