Shartnomasi mavsum oxirida tugaydigan "Real Madrid" vingeri Marko Asensio 2023 yilning yozida APL klublaridan biriga o‘tishi mumkin. Bular "Arsenal", "Liverpul" va "Tottenxem". Bu haqda Calciomercato.com xabar bermoqda.
Oldinroq madridliklar 26 yoshli Asensio bilan shartnomani to‘rt yillik uzaytirishni taklif qilgandi va soliqlar to‘langanidan keyin mavsumiga 5 million yevro maosh to‘lashmoqchi edi. Biroq, Marko bu variantni rad etdi. Etiborlisi, Asensio yaqinda agentlarini almashtirdi. Ilgari uning manfaatlarini Orasio Gagioli himoya qilgan, endi esa Xorxe Mendesh. Bu "Barselona"ga asosiy raqiblar lageridan o‘yinchini sotib olishga yordam berishi mumkinligi xabar qilingan.
Shuningdek, “Real Madrid” prezidenti Florentino Peres futbolchi shartnoma imzolashdan bosh tortgach, Karlo Anchelottiga Asensiodan “iloji boricha kamroq” foydalanishni tavsiya qilgani xabar qilingandi.