Chempionlar ligasi guruh bosqichi 3-tur uchrashuvida “Shaxtyor” safarda “Real”ga qarshi maydonga tushdi. Ukraina klubi 1:2 hisobida mag‘lub bo‘ldi. Jamoa ustozi Igor Yovichevich uchrashuv natijasi haqida o‘z fikrlari bilan o‘rtoqlashdi.
“Bu jamoa uchun ajoyib tajriba. Bizga "Real Madrid"ning kombinasion futboliga qarshilik ko‘rsatish qiyin bo‘ldi, bunda ular bizdan kuchliroq. O‘yin boshida futbolchilarim qanchalik asabiylashganini ko‘rdingiz. Bu biz bir nechta xatolarga yo‘l qo‘yganimizga olib keldi.
"Real Madrid" haqli ravishda g‘alaba qozondi, ular ko‘proq gol urishlari mumkin edi. Ammo biz mardonavor o‘ynadik va faqat bitta gol farqi bilan mag‘lub bo‘ldik", - deydi murabbiy.