“Milan” yarim himoyachisi Ismoil Bennaser Chempionlar ligasi guruh bosqichi 3-turi doirasidagi London “Chelsi”sidan yirik hisobdagi mag‘lubiyat (0:3) haqida fikr bildirdi.

“Bunday mag‘lubiyat yaxshi emas. Chempionlar ligasida biz yuqori saviyani ko‘rsatishimiz kerak. Biz bu muvaffaqiyatsizlikni ko‘rib chiqamiz va yo‘l qo‘yilgan barcha xatolarni tuzatamiz”, dedi futbolchi.

Kechagi g‘alaba "pensionerlar" uchun joriy Chempionlar ligasidagi birinchisi bo‘ldi. To‘rt ochko jamg‘argan londonliklar guruhda ikkinchi o‘ringa ko‘tarilib oldi. “Milan” xuddi shunday ochkolar bilan uchinchi o‘rinda.