"Chelsi" yarim himoyachisi Ruben Loftus-CHikning aytishicha, hozirda klubning kiyinish xonasi ajoyib muhitda.
Eslatib o‘tamiz, kecha "ko‘klar" Chempionlar ligasida "Milan"ni mag‘lub etib, o‘z guruhi jadvalida ikkinchi o‘ringa ko‘tarilib olishdi.
“Biz xursandmiz. Hozir kiyim almashtirish xonasida ajoyib muhit hukm surmoqda. Biz ajoyib o‘yin ko‘rsatdik, energiya boshidanoq sezildi. Ba’zi vaziyatlarda qiyinchilikka duch keldik, ammo baribir biz buni yengib o‘tdik va natijaga erishdik" - dedi Loftus-CHik o‘yindan keyin bergan intervyusida.
Eslatib o‘tamiz, "Chelsi" o‘tgan mavsumda Chempionlar ligasining chorak finaliga qadar etib borgan va u erda "Real"ga qo‘shimcha bo‘limlarda mag‘lub bo‘lgandi.
