"Челси" ярим ҳимоячиси Рубен Лофтус-Чикнинг айтишича, ҳозирда клубнинг кийиниш хонаси ажойиб муҳитда.
Эслатиб ўтамиз, кеча "кўклар" Чемпионлар лигасида "Милан"ни мағлуб этиб, ўз гуруҳи жадвалида иккинчи ўринга кўтарилиб олишди.
“Биз хурсандмиз. Ҳозир кийим алмаштириш хонасида ажойиб муҳит ҳукм сурмоқда. Биз ажойиб ўйин кўрсатдик, энергия бошиданоқ сезилди. Баъзи вазиятларда қийинчиликка дуч келдик, аммо барибир биз буни енгиб ўтдик ва натижага эришдик" - деди Лофтус-Чик ўйиндан кейин берган интервьюсида.
Эслатиб ўтамиз, "Челси" ўтган мавсумда Чемпионлар лигасининг чорак финалига қадар етиб борган ва у ерда "Реал"га қўшимча бўлимларда мағлуб бўлганди.
