"Barselona" va "Atletiko" hujumchi Antuan Grizmanning transfer narxi bo‘yicha kelishib oldi, deya xabar beradi insayder Fabrisio Romano.
Madrid klubi futbolchi uchun 20 million yevro to‘laydi. Shuningdek, kataloniyaliklar qo‘shimcha bonus sifatida yana 2 million olishlari mumkin.
Avvalroq "Barsa" "Atletiko"ni sudga bermoqchi ekani ma’lum bo‘lgandi. Kataloniya klubi rahbariyati madridliklar bonuslarni to‘lamaslik uchun Grizmanning maydondagi vaqtini ataylab cheklashiga ishonishgan edi.
31 yoshli fransiyalik futbolchi joriy mavsumda “Atletiko” safida 10 ta o‘yinda maydonga tushdi va 3 ta gol urdi.
