"Барселона" ва "Атлетико" ҳужумчи Антуан Гризманнинг трансфер нархи бўйича келишиб олди, дея хабар беради инсайдер Фабрицио Романо.
Мадрид клуби футболчи учун 20 миллион евро тўлайди. Шунингдек, каталонияликлар қўшимча бонус сифатида яна 2 миллион олишлари мумкин.
Аввалроқ "Барса" "Атлетико"ни судга бермоқчи экани маълум бўлганди. Каталония клуби раҳбарияти мадридликлар бонусларни тўламаслик учун Гризманнинг майдондаги вақтини атайлаб чеклашига ишонишган эди.
31 ёшли франциялик футболчи жорий мавсумда “Атлетико” сафида 10 та ўйинда майдонга тушди ва 3 та гол урди.
