Kuvaytda bo‘lib o‘tayotgan futzal bo‘yicha Osiyo chempionatida ikkinchi yarim final uchrashuvi ham o‘tkazildi. Eron terma jamoasi Tailandga qarshi maydonga chiqib, 5:0 hisobida g‘alaba qozondi.

Forslar birinchi bo‘limda raqib darvozasini bir marta ishg‘ol qilishgan bo‘lsa, ikkinchi taymning dastlabki 7 daqiqasida ular Tailand darvozasiga yana 4 marta yo‘l topib, o‘yin taqdirini hal etib qo‘yishdi.

Shu tariqa, Eron chempionlik uchun finalda Yaponiya bilan to‘qnash kelsa, bronza medali uchun O‘zbekiston va Tailand terma jamoalari maydonga chiqishadi. Bu bahslar 8 oktyabr kuni bo‘lib o‘tadi (19:00 va 22:00).