Yevropa ligasi guruh bosqichi 3-tur uchrashuvida “Betis” safarda “Roma” mehmoni bo‘lib, 2:1 hisobida zafar quchdi. Uchrashuv yakunlangach "Betis" bosh murabbiyi Manuel Pellegrini o‘yin haqidagi fikrlari bilan o‘rtoqlashdi.
"Birinchi bo‘limda o‘yinni nazorat ostida ushlab turdik va imkoniyatlarga ega bo‘ldik. Biz bir nechta gol urishimiz mumkin edi. Tanaffusdan keyin o‘yin teng kurashlar ostida kechdi, ammo baribir biz uni nazorat qildik. Biz kuchli raqibga qarshi o‘ynadik, ammo shunga qaramay, "Betis" g‘alaba qozonishni xohladi", - dedi Pellegrini Sky Sports nashriga.
Uch turdan keyin "Betis" to‘qqiz ochko bilan guruhda birinchi o‘rinni egallab turibdi.
